Weblog
Friday, 04 April 2008
-
美麗的誤會
今日起身......收到苑苑既電話,傾傾下電話就講起reference果張信既事,佢問我放左係邊,我突然嚇左一嚇,因為.........我以為冇用,將佢當垃圾拋棄.......死火!!!!!當時既時間係中午1200,而果要reference係要去到北角一個醫生到簽名,一個鐘頭仲要print張紙同去北角,真係x街~~~~神奇既時候就出現!
我二話不說就開printer,換衫,門口~~~~係短短既30分鐘就去到北角既一間診所,搵醫生再幫我簽一簽名!!!!!!成件事就咁解決左,我當然鬆一口氣,始終係我既錯,當然要自己去補穫!!!
我順路就去左"古奶奶"到探下佢老人家........一門口,[馬你個be]好親切既一句問候語,老人家仍然中氣十足,真係記憶力就死左水,一個問題可以連續問3次,我就愈答愈冇心機,佢就一路問,我就一路答,真係有點點頂佢唔順!!!!不過老人家,係咁嫁啦,欣賞下佢既可愛地方!!!!
係到,我想再同苑苑講聲,對唔住,係我既大意令你又添煩惱,原諒我!
Wednesday, 02 April 2008
-
今日dayoff......晨早就比個太上皇叫醒,真係冇奈!!8點幾就醒左,我一起左身就訓唔番,搞到我眼光光咁,只好起身啦~~~~行行企企,都唔知有咩做!睇下電視,打一陣wii,上下網咁就中午!
苑苑今日返OT,佢叫我做外賣仔,我當然願意啦,出左旺角搵電話,之後咪坐巴士去做外賣仔。又食kfc,苑苑真係唔怕又病,冇佢辦法~~~
話咁快就番左屋企,今日又比多個srs既同學發現我個xanga,就係Elsa啦,哈哈
Tuesday, 01 April 2008
-
2年2個月.....
今日係我同苑苑相愛2年加2個月啦,係790日,係18960個hrs........不知不覺已經咁耐,其實去愛一個人,真係會用左好多時間同心機去培養,去照顧。
係呢斷時間,當然我同苑苑會有少少既問題大家要去面對,但係我一直都用一個信念去戰勝所有既困難[若受能一生相隨,但願能作戰到底],大家可以參考下,哈哈!
係呢到呢,我同樣祝有情人都會繼續恩愛落去~~~~
今日比彭家俊先生發現左我開始xanga,哈哈!果然厲害~~~~~
Friday, 28 March 2008
-
今曰王琬琛同學教我用xamga, 令到我覺得好開心~~~~~~~~~多謝你
尋日呢,苑苑佢正式係國泰簽約,開始佢空中小姐既生涯!!!!!!!可以做到自己鍾意既職業.絕對係一個福氣,努力呀,苑苑!!!
我尋日都去左in消防員...........衰左個爬樓梯!~~~~~~只好10月再努力啦~~~~~
Monday, 17 March 2008
-
今日係我第一日寫xamga..........
都唔知寫咩,我要add晒d人先~~~~~~~
taktakwater
-
- Member Since: 3/17/2008
Chatboard (0)